OINARRIZKO LANBIDE HEZIKETA

Sartzeko Baldintzak

  1. Hamabost urte beteak izatea, edo dagokion urte naturalaren barruan betetzea, eta hamazazpi urte baino gehiago ez izatea zikloan sartzean edo dagokion urte naturalean.
  2. Derrigorrezko Bigarren Hezkuntzako lehenengo zikloa edo, salbuespen gisa, Derrigorrezko Bigarren Hezkuntzako bigarren maila eginda izatea.
  3. Irakasle-taldeak gurasoei edo legezko ordezkariei Oinarrizko Lanbide Heziketako ziklo bat hastea proposatu izana.

Zer lortu dezaket ikasketa hauekin?

  • LEHEN MAILAKO PROFESIONALTASUN-ZIURTAGIRIA osatu duzun familia profesionalean. Tailerreko moduloak eta Lantokiko Prestakuntza (180 ordu) gaindizen badituzu.
  • OINARRIZKO LANBIDE HEZIKETAKO TITULOA osatu duzun familia profesionalean. Tailerreko moduloak, Lantokiko Prestakuntza eta Komunikazio eta Gizartea eta Arlo Zientifikoari dagozkion Oinarrizko Formakuntza moduloak gainditzen badituzu. (OHL-ko titulo honek ESKOLA-GRADUATUA-ren baliokidea da eta honek dituen onura guztiak eskaintzen dizkizu, enplegu pribatu eta publikoan aritzeko balio legala duen ziurtagiria izanik)
  • DERRIGORREZKO BIGARREN HEZKUNTZAN GRADUATUA, OHL-ko Tituloa lortu ondoren, irakasle taldeak Derrigorrezko Bigarren Hezkuntzari dagozkion helburu eta konpetentzien maila lortu dituzula uste badu.

Zer ikasi dezaket ondoren?

  • LEHEN MAILAKO PROFESIONALTASUN-ZIURTAGIRIA-rekin, Enplegurako Formakuntza ikastaroetan parte hartu ahal izango duzu Bigarren Mailako Profesionaltasun-Ziurtagiriak eginez zure formakuntza hobetzeko (Lanbideko Ikastaroak, Enplegurako Formakuntza etab…)
  • OINARRIZKO LANBIDE HEZIKETAKO TITULOA-rekin Erdi Mailako Ziklo batera sarrera izango duzu honako onartze-prozesuak ezartzen duenaren arabera (kuotak eta lehentasunak egindako Oinarrizko Lanbide Heziketako zikloarekin duen afinitatearen arabera)

ONARRIZKO LANBIDE HEZIKETA ZIKLOAK